R-kraften visualisert
Mens eg sit heime ein søndag i møkkaver og febrilsk prøvar å forbetre mine R-kunnskapar, kom eg over eit skattkammer.
Spatial Analysis er driven av James Cheshire, ein spesialist i spatiell (romleg) analyse. Han trekk R fram som kan hende det sterkaste verktøyet for visualisering av data.
Og han har verkeleg døme som underbygger påstanden. I biletet eg har lånt, har han visualisert britiske handelsruter mellom 1750 og 1800 basert på skipsloggane til den britiske flåten. Han har óg gjort det same med spanske og nederlandske ruter. Resultatet er fantastisk vakkert og informativt. Han har brukt kjende R-pakkar i arbeidet, som ggplot2, geosphere, maptools og png.
Han har òg analysert Twitter-språk brukt i New York og London.
I dette blogginnlegget gjev han tips til den som skal starte opp med R-visualisering.